O Pontejazz preséntase outro ano máis cun programa moi atractivo que fai do XIX Festival Internacional de Jazz & Blues de Pontevedra o máis completo de tódolos festivais deste estilo musical en Galiza.
info: www.pontejazz.org, pontejazz@pontejazz.org ou no tlf.+34679454166

Mércores 20 de Xullo ás 22:30 h. Praza do Teucro.

Philip Dizack está considerado pola prestixiosa revista de jazz estadounidense DownBeat Magazine coma un dos 25 «Trompetistas do Futuro». En 2007, Dizack compite coma o semifinalista máis xoven na «Thelonious Monk Jazz Competition». Dous anos antes e o gañador máis xoven do «Carmine Caruso International Jazz Trumpet Competition», do «National Trumpet Competition» ou do «John Coltrane Scholarship». En 2006 grava o seu primeiro traballo discográfico "Beyond a Dream" (Fresh Sound Records) e o DVD "Live in Barcelona - Featuring Greg Tardy». Tamén forma parte das bandas de Bobby Watson, Eddie Palmieri, Tim Warfield, Greg Tardy, Aaron Goldberg, Dr. Lonnie Smith, Nicholas Payton, etc.